చూడవయ్య నీసుదతి విలాసము
వేడుకకాడవు విభుడవు నీవు
పున్నమివెన్నెల పోగులు వోసి
సన్నపు నవ్వుల జవరాలు
వన్నెల కుంకుమ వసంత మాడే
ఇన్నిటా కళలతో ఈ మెరుగుబోడి
పాటించి తుమ్మెద పౌజులు దీర్చీ
కాటుక కన్నుల కలికి యిదే
సూటి జక్కవల జోడలరించీ
నాటకపు గతుల నాభి సరసి
అంగజురథమున హంసలు నిలిపి
కంగులేని ఘన గజగమన
ఇంగితపు శ్రీవేంకటేశ నిన్నెనసె
పంగెన సురతపు పల్లవాధరి
No comments:
Post a Comment