అతిసులభం బిది యందరిపాలికి
గతియిది శ్రీపతి కైంకర్యంబు
పాలసముద్రము బలిమి దచ్చి కొని-
రాలరి దేవత లమృతమును
నాలుక నిదె హరినామపుటమృతము
యేల కానరో యిహపరసుఖము
అడరి బాతిపడి యవని దేవతలు
బడివాయరు యజ్ఞ భాగాలకు
విడువక చేతిలో విష్ణుప్రసాదము
కడిగడియైనది కానరుగాని
యెక్కుదురు దిగుదు రేడులోకములు
పక్కన దపముల బడలుచును
చిక్కినాడు మతి స్రీవేంకటేశ్వరు-
డిక్కడితుదిపద మెఱగరుగాని
No comments:
Post a Comment