ఆంజనేయ అనిలజ హనుమంత
శ్రీ ఆంజనేయ అనిలజ హనుమంత
శ్రీ ఆంజనేయ అనిలజ హనుమంత నీ
రంజకపు చేతలు సురలకెంత వశమా
తేరిమీద నీ రూపు తెచ్చిపెట్టి ఆర్జునుడు
కౌరవుల గెలిచే సంగర భూమిని
సారెకు భీముడు పురుషాముగ్రము తెచ్చు చొట
నీరోమములు కావ నిఖిల కారణము
నీ మూలమునగాదె నెలవై సుగ్రీవుడు
రాముని గొలిచి కపిరాజాయను
రాముడు నీ వంకనేపొ రమణి సీతా దేవి
ప్రేమముతో మగుడా పెండ్లాడెను
బలుదైత్యులను దుంచ బంటు తనము మించ
కలకాలమునునెంచ కలిగితిగా
అల శ్రీవేంకటపతి అండనె మంగాంబుధి
నిలయపు హనుమంత నెగడితిగా
No comments:
Post a Comment