చెప్పరాని మహిమల శ్రీదేవుడితడు
కప్పి కన్నులపండుగగా చూడరో
అద్దుచు కప్పురధూళి యట్టె మేననలదగా
వొద్దిక దేవునిభావమూహించితేను
మద్దులు విరిచినట్టి మంచి బాలకృష్ణునికి
మద్దులకాంతి మేన మలసినటుండె
అమర తట్టుపుణుంగు అవధరించగాను
తమితో పోలికలెల్లా దచ్చిచూడాగా
యమునా నది నాగేట నండకు తీసుకొనగా
యమునానది నలుపు యంటినట్టుండె
అంగముల శ్రీవేంకటాధిపున కింతటాను
సింగారించి సొమ్ములెల్లా చెలరేగగా
బంగారు పుటలమేలుమంగ నురాన నుంచగా
బంగారము మేననెల్లా బరగినట్టుండె
No comments:
Post a Comment